與朱晨麗不和？ 龔嘉欣：唔想咁多是非！

藝人龔嘉欣剛拍畢無綫電視劇《大醬園》，又有是非上身，今次她被指與此劇女主角朱晨麗不和！事緣朱晨麗之前拍此劇時既中暑又手肘甩骹，曾因此請假而影響拍攝進度，引來龔嘉欣不滿，導致她要連續開廠，沒有時間休息，出現耳水不平衡而入院。其後龔嘉欣在facebook留言暗寸：「個個都辛苦，唔好同我講邊個唔舒服，邊個踩得好甘，我已經幫咗好多次，捱義氣咗幾次，咁我唔舒服，唔夠休息都一樣咁返工……怕辛苦就唔好做演員。」不過她卻反被指經常耍大牌，要PA（助理編導）遷就她，替她改通告，表示不改就不現身。另一說法指朱晨麗開完夜，翌日開工例遲，曾試過於開工前半小時才致電請病假，令其他演員有怨言。