超蓮爭玩具被打PatPat

蜜運中的何超蓮封嘴不提男友竇驍。

戀愛中的超蓮為免戀情太高調，封口不談男友，問到黑髮是否為男友而染，她說：「唔係，係我未試過黑髮，但佢話好睇。」兩人雖相隔兩地，但會盡量抽時間見面，男友亦曾到過她的餐廳用餐，問到會否閃婚？她耍手擰頭說：「冇，我冇講過，冇呢個計劃。」再問是否還在觀察期？即拉開話題：「Barbie真係好靚！」

超蓮透露Barbie是她與孖生細佬猷啟一齊成長的玩具，因經常搶玩具加上百厭，會被媽咪罰：「有次生日爹哋買咗幾袋玩具畀我哋，但細佬曳媽咪充公晒啲玩具，連我都遭殃，有咩就一齊罰。（孖生都幾慘？）咁又唔係，我哋邊個畀人打Pat Pat時，另一個會開定凍水畀佢浸。（爹哋有冇幫手？）佢會話幫手打，但打得好輕力。」超蓮又說甚少買玩具給猷啟女兒TT，指姪女平時愛玩貓，問見到姪女會否想生B？她說：「佢好得意，我玩住先。」

竇驍	恒隆地產租務及物業管理董事蔡碧林大讚超蓮有Barbie特質。	超蓮與扮「Ken」的男模出席Barbie 60周年揭幕禮。