等兩年終有劇出！張振朗黑仔王翻生

張振朗、譚俊彥、曹永廉、胡定欣、黃子恆、龔嘉欣及傅嘉莉等昨日為《包青天再起風雲》宣傳，飾演展昭的張振朗吊威吔飛入場，十分型仔！他主演的劇集《牛下女高音》及《堅離地愛堅地離》先後因「安心事件」被抽起，今次終有劇出街，他難掩喜悅說：「梗係開心，我上一套劇已經係兩年前嘅《踩過界》，真係望到頸都長，不過上天自有安排，一定會播。」

胡定欣耐心等劇出

對於被網民封為「地獄黑仔王」，他毫不介意：「個名幾得意，但依家有劇出，咪可以洗脫呢個名囉！（覺得自己黑？）已經過咗去，呢啲係置之死地而後生。（之前傳你劇集被抽起，嬲到爆粗？）冇，初時係有啲唔開心，但我唔會嬲任何人，只係諗自己今年係咪犯太歲。」

張振朗（右）與譚俊彥對《包青天》重出生天，當然開心！	張振朗係威係勢吊威吔出場。	傅嘉莉演古裝劇，最希望收視長虹。

胡定欣也表示已有一年未有劇集播出：「之前都擔心今年我冇劇出街。（傳你唔續約無綫，所以冇劇拍？）之前有套劇預計6、7月開，但取消咗，呢一刻係未收到消息有咩劇拍，但拍唔拍唔關合約事，係劇本想做好啲。（幾時滿約？）仲有一段時間。」

黃子恆：抽劇唔關我事

譚俊彥則透露將在雲頂開騷，忙於練歌的他說是圓了心願，屆時女兒與母親也會前往捧場。而黃子恆在劇中飾演拋妻棄子的陳世美，有傳因他爆出桃色事件而令劇集被抽起？他否認說：「我冇咁大影響力，我夠膽講一定唔關我事。（你個形象已經負面，擔心做陳世美冇得翻身？）唔驚，觀眾識得分，工作以外做好自己。」