郭秀雲唱出心聲乜膠都唔要

名媛郭秀雲(Sharon)一直致力推動環保,身為「海峰環保教育」主席的她,為了呼籲大家響應環保「走塑」,早前親自填詞,寫了一首名為《乜膠都唔要》的環保歌曲,多年來未有公開演唱的她更為該曲錄音。Sharon指今次用了一首搖滾舊歌《Rock Around the Clock》填上新詞,而該曲亦曾被許冠傑改編為《加價熱潮》。

自言是「半唐番」的Sharon表示今次填詞冇難度: 「平日我睇中文都有啲難度,但今次因為歌詞叫大家唔好亂掉廢物,要和應呢個清潔浪潮,全部都係自己心聲,所以幾個鐘已經填好!」日前,她在公開活動獻唱這首環保歌,由廣告角色「大嘥鬼」伴舞,現場反應熱烈,令她信心大增!