囝囝有天分 貝安琪闔家拍廣告

名模貝安琪（Ankie）與加拿大籍老公Simon Van Damme及囝囝Sebastian早前遠赴瑞士拍攝酒店廣告，首次一家三口亮相幕前，兩歲的Sebastian不怕面對鏡頭，頻頻賣萌！Ankie表示今次拍攝寓工作於娛樂，大讚兒子有表演天分：「拍時佢冇扭計冇NG，表現好過我老公。半歲時佢拍過玩具廣告，但嗰時乜都未識，依家識講好多嘢，又表情多多。有日去教堂拍攝，佢見門口有支掃把，就攞嚟掃地。」
貝安琪與丈夫及兒子一齊開心打鞦韆。
貝安琪與丈夫及兒子一齊開心打鞦韆。

問到會否讓囝囝入行拍戲？她指拍廣告輕鬆點，拍戲是另一回事，到時再算。又說是次酬勞可觀，四日行程只開工兩日，當地環境又好，考慮再去旅遊。

  • 放大圖片
貝安琪一家三口暢遊瑞士，玩得好開心。
  • 貝安琪一家三口暢遊瑞士，玩得好開心。