苟芸慧趁精壯雪卵

苟芸慧考慮雪卵，Keep住最優質卵子。

苟芸慧（苟姑娘）平日陰聲細氣，但講起廚藝即喋喋不休，表示有研究中藥、湯水及甜品，又大爆與老公陸漢洋（William）喜歡在家甜蜜下廚，大讚老公是天生美食家，對食物有要求，不時把食材改頭換面，而她則在旁當副手，早前為了試燒烤陶瓷爐的溫度，花了大半日炮製龍蝦及牛扒：「呢啲係情趣，過程好開心，但整完之後未必有心情去食。」

她與William情定賽車場，承認沒料到對方突然闖進其人生，還自爆當初曾一度以為他是司機：「佢自己話『I'm a driver』，我咪問佢Uber定的士囉，後來到拍拖佢就更正番，我覺得呢個係美麗誤會，諗番都好好笑！同佢一齊一段時間，佢改變咗我，令我變得堅強，以前我唔知自己做乜，依家就會專心做嘢。」

已做諮詢得閒打針

已婚半年，問到何時才為陸家開枝散葉？她說：「計劃兩年後嘅，依家先過咗半年，老公性格小朋友，應該未有做好心理準備做爸爸，但照顧我都OK。（有冇諗過雪卵？）有去做過諮詢同檢查，但要搵時間打針，我哋呢樣嘢好開明，覺得趁年紀最精壯時做好啲，但若果自然有BB就最好，到有困難先用後備嘅雪卵，但呢排忙於喺佛山為劇集埋尾，未去得做住。」預計下月生日前劇集才煞科，問到老公可有探班？她承認近日少見面，但小別勝新婚！

苟芸慧、陸漢洋熱愛賽車，兩人都唔急做父母。

苟姑娘愛下廚，得閒同老公玩夫妻廚房。

場地：煤氣烹飪中心