黎燕珊趕拍《法證》整傷腳
藝人黎燕珊、吳綺莉及張文慈等昨午到灣仔出席鄭明明慈善新錶發布會。黎燕珊行動有點不便，她表示是腳傷所致：「呢排重拍《法證先鋒IV》，有日出發嘅時候太心急，撞到左腳腳趾，依家仲好痛，做唔到運動。」談到新拍檔湯洛雯的表現，她說：「梗係好啦！不過監製梅小青嘅劇集對白出名長，又唔畀我哋改，所以佢都好大壓力。」
而吳綺莉被問到女兒卓林近況，她坦言：「我盡做盡講，會留言畀佢，佢有睇嘅。（即係已讀不回？）其實我份人以前比較心急，依家會諗人哋可能好忙呢，要顧吓人哋感受，（覆唔覆）隨緣啦！朋友叫我學小鳥依人啲。（早排女兒傳分手喎？）我唔清楚，佢都大個，好多嘢我唔會問太多。」