13小時長途機 吳若希爆飛行恐懼症

歌手吳若希（Jinny）與拍劇時撞傷頭部的胡鴻鈞（Hubert）日前搭13小時長途機到美國洛杉磯舉行演唱會，在機上遇上氣流時，她疑出現「飛行恐懼症」症狀。昨日Jinny受訪時說：「會好驚、好緊張，有時仲會抖唔到氣咁，好在有Hubert分散我注意力，真係論盡囉！其實只要被困喺一個空間度我就會咁。」她又指未嫁前經常照顧別人，但婚後因深得老公寵愛而變成「弱妻」：「可能老公照顧得我太好，搞到我照顧人嘅能力愈嚟愈低。」
搭飛機期間雖感不適，但吳若希的演出無受影響。
搭飛機期間雖感不適，但吳若希的演出無受影響。

Hubert則表示事前不知Jinny怕氣流，又指此行難得與支持他多年的美國Fans見面，問到可曾試過如梁漢文一樣被Fans搣屁股，他反問：「冇喎，係咪要檢討吓？」回港後，他將繼續休息，未心急再開個人音樂會，對於有傳師妹菊梓喬攝了其檔期開演唱會，他只表示如時間許可，亦會往捧場。

因受傷拍劇叫停的胡鴻鈞，與吳若希飛到美國開騷搵真銀。
  • 因受傷拍劇叫停的胡鴻鈞，與吳若希飛到美國開騷搵真銀。
胡鴻鈞最開心能與美國粉絲見面。
  • 胡鴻鈞最開心能與美國粉絲見面。