郭子豪搵塔羅師打救：佢話我多小人
無綫大隻仔郭子豪最近連環發生酒駕及劈腿事件，令工作大受影響，可謂黑氣纏身，迷失方向的他被發現急搵塔羅師指點迷津催運。
郭子豪去年憑劇集《三個女人一個「因」》的大隻男角色人氣急升，又在《跳躍生命線》中有突出表現，加上贏得健美先生冠軍，建立健康形象，可惜最近因酒駕被捕，又疑似背女友暗撻港姐鄧卓殷，雖然雙方澄清只是朋友，但舊愛Karen繼續在網上狙擊，子豪難免擔心形象受損，影響之後的工作，心情低落。
日前，他被發現獨自現身銅鑼灣街頭，見他左望右望似搵路，其後步入商場，原來是找塔羅牌師傅指點迷津。他在門外椅子坐低「等睇症」，期間心事重重不停講電話又唉聲嘆氣、坐立不安，輪到他「睇症」時，他跟塔羅師訴苦一輪，再正式以塔羅牌測運程，獲對方以不同法寶催運，子豪逗留約20分鐘便離開，見他表情變得較從容，似乎解開一些心結。翻查資料，該名塔羅師名叫Jessica，曾到歐洲跟當地著名塔羅師Hanna學習占卜術，除了擅長占卜外，亦是一位愛情專家，為客人提供輔導。
跑步減壓
之後子豪到附近公園做運動減壓，平日多數在Gym房健身的他，今次一支公跑步及拉筋，出了一身汗後，即往便利店買了兩盒鮮奶，即買即飲。
事後他接受訪問，承認最近接連發生不如意事，透過朋友介紹認識Jessica，希望得到指點：「之前Jessica上過《兄弟幫》受訪，朋友介紹畀我識，佢話我今年身邊有唔少小人，唔係話迷信，只係希望得到多啲唔同嘅指引。Jessica好叻輔導人，通過占卜我有啲反思，更加了解自己同埋要更注意啲咩！」