冬天濕身打冷震 吳嘉儀攬仔取暖

藝人吳嘉儀（阿七）今年初參演無綫劇集《好日子》，笑言有一場戲與張明偉跑入涼亭避雨，最慘是時值冬季，拍攝時氣溫最低只得5、6度，兩人都凍到腳震震，至今回想仍然覺得好難忘：「由於套劇喺夏天播，所以我要着旗袍短裙，加上取景多數喺山區，我同張明偉凍到攬住互相取暖！為咗連戲，連停機都唔准抹走身上嘅水珠，如果個身乾咗就要用水壺噴番濕，真係好艱苦！」
能夠做陳煒的年輕版，吳嘉儀笑言好自豪！
能夠做陳煒的年輕版，吳嘉儀笑言好自豪！

繼劇集《果欄中的江湖大嫂》後，今次阿七再度飾演陳煒（煒哥）的年輕版，她說：「煒哥好好人，叫我放膽演，其實能夠做咁靚女嘅年輕版，好有自豪感！」

氣溫得幾度下要着短袖開工，仲要濕住身，有苦自己知！
  • 氣溫得幾度下要着短袖開工，仲要濕住身，有苦自己知！
吳嘉儀與張明偉（左）及容天佑合作愉快。
  • 吳嘉儀與張明偉（左）及容天佑合作愉快。