開工「泰」熱！溫碧霞喪食補番數

女星溫碧霞（Irene）最近擔演英皇電影新片《墮落花》，落足心機拍攝，日前便飛往泰國拍外景，分秒必爭埋位開工。怕熱的她面對高達攝氏35度下拍攝，幾乎被熱溶，幸好貼心的劇組人員為她準備充足防曬用品，如出動太陽傘及風扇仔，還準備大量沙冰及甜品讓大家解暑，Irene說：「我哋時間好趕，日日趕工開足全日，呢幾日仲要開早班，大清早五點就起身梳妝，拍到晚上11點幾，完全冇時間出去食嘢同玩！不過劇組好貼心，整咗好好味泰國菜，佢哋整嘅沙冰同甜品亦好好味！連續三日都拍外景，熱到焗桑拿咁，工作人員同我哋演員一樣咁辛苦，所以更加要落足工夫演，唔可以浪費大家心機。」