楊明拍咀戲激嬲女友 高海寧幫口求情：佢好通情達理嘅！

高海寧與楊明再合作，希望今次唔好又激親女友莊思明。

無綫劇集《網絡騙案》一班演員楊明、高海寧、陳曉華及黃祥興等，昨日在將軍澳電視城為劇集試造型。楊明與高海寧繼《婚姻合伙人》再合作，今次飾演「前度」的楊明卻口快快「劇透」說：「關係有啲似《婚》個結局咁。」即被阻止繼續爆料。講到女友莊思明指睇完兩人在《婚》劇咀戲後不開心，楊明笑說：「其實做呢行，見到對方拍錫戲就一定有啲唔舒服，但佢又冇同我講，我都係尋日先睇到。」高海寧則說：「同思明好Friend，拍之前都有同佢講，佢好通情達理嘅！」

陳曉華處女劇唔怕捱鬧

講到網絡騙案，楊明透露曾接過電話要求購買點數卡，但當然沒有上當，笑指高海寧較大機會「中招」，她即笑說：「我有咁蠢咩？試過收過話係入境處嘅電話要提供資料，都有少少擔心係真定假，同父母商量，Daddy話梗係假啦！」楊明笑說：「你都係去到嗰刻先知喎！」他曾拍劇駕駛電單車受傷，指今次要再拍電單車戲有陰影，加上要載埋高海寧壓力更大，故要求監製提供時間讓他練車。

至於「處女下海」拍劇的陳曉華心情緊張，自言要好好放鬆心情，戲中與朱敏瀚飾演一對，問到可有咀戲？她說：「未見到有，就算有都唔驚，大家有溝通傾偈。」至於會否怕首次拍劇會被粗口責備？她笑說：「鬧我啦！我接受到，畀人鬧慣！」

畀楊明暗寸蠢，梗係要反擊！

陳曉華與朱敏瀚演情侶，準備獻螢幕初吻。