東網巨星嘅最強節目《我和星星有個約會》粒粒巨星、集集好玩，梗係要繼續Dating下去，今次嚟「打卡」嘅嘉賓有YouTube「千萬點擊女王」菊梓喬（Hana）。勝在人窮志氣高，有能耐十蚊肉碎食兩餐，家陣戴住「最受歡迎女歌星」嘅光環，請Fans落K場「唱」談夢想。
至於贏在起跑線嘅許廷鏗（Alfred），今次脫去牙醫袍，以歌手身份同Fans嚟個貼地接觸，想約佢吹吹水、齊做Gym抑或飲杯Tea，只要Email嚟date@on.cc，個古仔夠感人，又過癮，你就有機會被選中成為下一位「幸運星」。
