荷里活動作巨星阿諾舒華辛力加前日於南非出席體育活動時，被一名男子突然衝過來一腳踢向其背部，當堂面露痛苦神色倒地！
阿諾舒華辛力加（Arnold Schwarzenegger）被襲擊的整個過程被現場粉絲拍下。他當時正為粉絲的手機錄片，正當將手機歸還粉絲之際，身後一名男子突然衝前，跳起凌空向他的背部起飛腳，阿諾即向前仆倒，睇到都覺得痛！施襲後，該男子立即被現場保安按在地上制服，他卻一邊尖叫：「幫幫我，我想要一架林寶堅尼！」難道他覺得腳踢阿諾，可以說服對方送上名貴跑車？
事後，阿諾於社交網報平安：「多謝大家關心，唔使擔心！我初時以為係畀人群推撞，呢啲成日發生，但後嚟睇番影片先知道畀人踢。我好高興嗰個狂漢冇阻礙我嘅Snapchat傾偈。」又呼籲網友不要將注意力集中在狂迷身上，應該欣賞參與活動的運動員。
另外，活動負責人指警方事前已警告該名男子曾作出類似行動，幸好阿諾未有受傷，亦無意控告襲擊者，昨日如期繼續出席活動。