許紹雄獲老婆信任

有妻女的70歲「綠葉王」許紹雄，日前被讀者爆料指與內地女子在微信有露骨對話，當中以「許紹雄」作帳號登記的人表示：「我想看你沒衣服的。」前晚許紹雄本人否認此事之餘，更覺是「網絡強姦」！

事隔一天，昨晚剛抵廈門拍戲的他回應：「尋晚返屋企後，有向老婆交代事件，佢都唔信，仲話乜啲人搞啲咁嘅嘢！（有冇嬲你？）冇嬲，希望件事快啲平息啦！我都唔想講咁多，費事愈描愈黑！」