李彩華遙距恩愛好想掂老公

李彩華與老公分隔成個月，只靠視像見面，直認好想見他真身。

說到「造人」大計，她坦言曾期待生仔，但眼見朋友生完BB後有很多顧慮又緊張，令她很驚：「唔知到時究竟順產定開刀好，我對醫院有恐懼症，試過陪朋友睇醫生，聽佢講病情都聽到我突然眼前一黑，暈暈哋標晒冷汗。所以諗起生仔就驚，出年先算！」

薛家燕浴缸嘔到暈

吳國敬被問到可有慰問「神隱」多時的好友許志安？他表示以WhatsApp慰問，不想騷擾他。問到多年來可受過誘惑？他笑言：「雖然都幾多誘惑，但把持得到，可能因為我怕老婆（女友）啦，我嗰個都幾巴辣。（咁幾時結婚？）一係就唔搞，一搞就連埋百日宴一齊搞。」

而薛家燕自爆日前在內地食生蠔，搞到腸胃不適屙嘔多次，更嘔到暈：「我忍唔住嘔咗落浴缸度，但醒嘅時候發現自己塊面對住個浴缸底，手腳麻痹，好彩個浴缸冇水，如果有水我就浸咗落去。」

放大圖片	JW與關楚耀拍住獻聲。	薛家燕食咗生蠔嘔到暈咗。