MV又導又演劉美君碌爆人情卡

歌手劉美君與沈震軒昨日到將軍澳為合唱新歌《局內人》拍攝MV，MV由金像導演劉偉強擔任攝影指導，周殷廷則擔任執行導演。沈震軒表示能夠與劉美君合唱是緣分，感覺很夢幻：「之前一齊拍劇，所以就懇求佢同我合唱，佢又應承！」劉美君還為MV擔任監製及導演，她笑說：「成件事好似中咗降頭咁，自己又導又演，所以搵咗周殷廷幫我，信得過佢對眼。（今次碌盡人情卡？）佢哋話聽到搵劉偉強都好驚，真係碌咗好多卡！好在朋友多，但係都要還嘅，好多人畀咗個優惠價我，原本個MV已經唔平，依家更加要六位數，絕對Over Budget。」