爆前度曾墮胎易智遠後悔

有無綫「御用肥仔」之稱的易智遠,近日在台灣接受訪問時自爆十多年前,女友曾為他墮胎。正拍無綫劇《大醬園》的他,昨日主動為事件解畫。他承認確有此事:「之前去台灣宣傳,講開感情事,就有感而發講咗出嚟。其實嗰件事我到依家仍然好唔開心同內疚,所以,奉勸年輕人要做足安全措施。」

易智遠稱現時前女友已有家庭,過去亦有聯絡,但就未有為今次報道而聯絡。他稱當時衝口而出,所以亦感後悔。問到可怕被人覺得博宣傳?他說:「咁真係唔應該講出嚟嘅。」提到訪問中自稱有過內衣模特兒、藝人及明星級靚女等的女友,他稱「女事主」是圈外人,亦已有自己家室。