麥明詩自嘲辛苦命拒入豪門
麥明詩最近被指獲「鋼鐵大王」龐鼎元的「富三代」孫兒龐榮怡力追，但她自覺是辛苦命，靠自己努力工作，不會嫁入豪門。
前港姐冠軍麥明詩前晚為無綫節目《娛樂大家》錄影擔任主持，有讀者爆料指她被「鋼鐵大王」龐鼎元的「富三代」孫兒龐榮怡力追，她說：「大家只係相識5、6年嘅朋友，對方並無追求之意，亦唔想回應太多，因為佢唔係行內人。之前有師傅都話我係辛苦命，唔會嫁入豪門，同我嘅諗法一樣，我會繼續努力工作。」不過，她自爆現時有一、兩位追求者，但並不合適，笑說：「我唔心急拍拖，係我阿媽急，所以為咗阿媽着想，希望大家唔好再畀咁多假希望佢。」
張曦雯美國進修演藝
同場的張曦雯透露，稍後與劇集《跳躍生命線》演員馬德鐘等到馬來西亞雲頂登台，近期她跟歌手鄧小巧練歌，因要唱多首歌而心情緊張。登台後她會返美國探親一個星期，並到洛杉磯讀演藝課程一個月：「8、9月先開劇，我未受過基礎演戲訓練，有個嗰邊演員嘅朋友介紹咗呢個課程，所以把握呢段時間讀書。（介紹埋你去荷里活發展？）我仲未係個好出色嘅演員，等叻啲先至再算！」講到《法證先鋒IV》重拍，她說：「佢哋都有問我個期，但係我已經攞咗假，同埋報咗名讀書，所以暫時唔使，同埋我只係客串，戲份唔多。」