苟芸慧踢爆老公偷用護膚品扮靚
藝人苟芸慧昨日出席護膚品牌活動，踢爆老公陸漢洋勁貪靚：「啲人話結咗婚就會變黃面婆，老公都鍾意我比較白雪雪，佢話咁樣有福氣。（同老公一齊護膚？）佢成日偷用我啲護膚品，其實佢好貪靚o架！有時賽完車皮膚曬傷咗，佢就偷偷哋用我啲嘢幫自己靚仔啲。」
提到早前與「處女黨」姊妹聚會，苟芸慧亦有相約探岑麗香的兒子：「之前睇相覺得似香香，但見真人就似爸爸多啲，不過好難講，BB每日都變緊。我去到抱佢好緊張，嗰時BB得個幾月仲好軟腍腍，但感覺好開心。（你係契媽？）佢冇講到，但係唔係契媽都好，都會盡力照顧呢個小朋友。」
