胡鴻鈞（Hubert）被本報踢爆因囂張、自詡勁過林峯而得罪唱片公司老闆何哲圖（Herman），不單錯失唱《鐵探》主題曲，更傳遭公司「雪藏」。正忙於拍攝新劇《降魔的2.0》的Hubert，昨日在社交網留言勉勵自己一番：「唯一可以做的就是做好自己的工作，我很好，謝謝大家。」他又表示收工後要食個早晨全餐獎勵自己，還稱要幫自己加大個油。
對於Hubert稱勁過林峯，昨日吳業坤現身活動時笑說：「佢唔會講呢啲說話啦，最多講勁過吳業坤。（咁佢有冇講過？ ）冇，因為勁唔過我，所以呢啲未經證實嘅都係講笑。」