張曦雯泰國大解放唔畀雀埋身

無綫劇集《法證先鋒Ⅳ》演員李施嬅、張曦雯、羅蘭、謝雪心及李綺雯等,昨日到新蒲崗拍攝外景,其中張曦雯、羅蘭與謝雪心拍攝試婚紗場口。穿性感婚紗的張曦雯笑言,是拍劇以來最性感的服飾。提到月底將到泰國拍節目《3日2夜》,她預告每集換一套泳裝:「之前去過馬爾代夫、毛里裘斯、昆士蘭,今次去泰國拍10幾日,只需準備好心情就得,當放假咁玩。我唯一同監製要求係唔可以同雀仔拍嘢,我由細到大都好驚雀仔。」

李施嬅跌傷尾龍骨

至於李施嬅憑加拿大劇集《Blood And Water》(血與水)第三季,角逐有「加拿大奧斯卡」之稱的《2019年加拿大銀幕獎》女配角獎,近期忙為頒獎禮紅地氈試「戰衣」:「最緊要靚,唔會好性感,以高貴為主。」又透露好姊妹胡蓓蔚請纓陪她同行:「佢話自己畀埋機票、酒店錢,但因為劇組有其他人,都係等下次再大型啲先。」

李施嬅透露為拉近與譚俊彥、黃浩然的身高,穿上4吋高跟鞋拍追逐戲,日前卻不慎跣落樓梯:「跌親尾龍骨同手腕,手指又流血,依家都冇乜大礙,係手腕有啲痛!不過唔會有陰影,做演員就要豁出去。」