吳海昕練大隻撩交打
藝人吳海昕（Sofiee）2014年參選港姐，當時被封為「民選港姐」，可惜大熱倒灶三甲不入。她其後向外發展，近兩年工作不斷，獲捧為新生代期待演員之一，今年拍了多套ViuTV劇集及電台劇集，努力展示其多變性。
眾多劇集中，她先後飾演救護主任、Cool爆教授、女同性戀者、管家婆女友，甚至虛擬人物紮「春麗頭」賣萌，戲路甚廣！講到在電台劇中飾演救護主任，雖然不及同劇的消防員角色辛苦，但Sofiee為角色狂做運動練大隻，希望上鏡更有說服力：「一年前我完全唔做運動，呢半年開始跑步、練肌肉，以前大家覺得我好靜、好斯文，近期多咗人知我做運動，亦接到啲堅強角色。（仲有咩角色想試？）我想做打女o架！但逐步嚟，遲啲參加10公里長跑，亦計劃考健身單車牌。（可以試吓性感？）健康性感，但唔一定要露好多。」
剝光豬影相？
講到早前破例甫泳衣照，但極遠鏡人像勁細，她笑說：「Fans都知道對我嚟講好盡喇！我一向唔去沙灘，依家去多咗，接受多咗唔同嘅自己。（嚟緊再影？）一係野外影。（剝光豬？）都要考慮大家感受，大家都唔想睇啦！」
至於在ViuTV劇《理想國》中，Sofiee其中一個角色是宅男幻想出來的虛擬人物，紮髻勁可愛，她笑言自己要花很長時間接受：「返番18歲咁，但我覺得做運動係有幫助，個人自信咗，加上大家現場覺得OK。（有可愛潛質？）其實係人靠衣裝，我呢排齊蔭頭都有減齡作用。」