徐天佑重提亡父留兩遺憾

藝人徐天佑接受電台錄音訪問時重提父子情，指當年曾有段迷失期，寡言的父親主動關心找他聊天，但他反過來發很大脾氣，最後由聊天變成鬧交，更氣走父親，覺得傷害了對方而一直耿耿於懷。直至2012年，組合Shine舉行首個紅館演唱會，父親此時卻患上癌症，雖然要忙於排練，但天佑每日仍會去醫院探父親，他說：「我記得最後一日，爸爸喺彌留狀態，我陪咗佢一晚，我要講嘅都講咗，不停喊住講對唔住！第二朝我離開醫院去排練，記得啱啱上的士，就收到通知話爸爸離開咗，我有諗過點解要等我離開咗先走呢？」他又指人生中最大遺憾是那次對爸爸發脾氣：「我覺得作為一個爸爸，佢係好好，畀咗好多支持我。」