陳詩欣一杯價錢飲兩杯凍檸茶
在茶餐廳食飯想飲凍檸茶，但又嫌每次嗌凍飲要加錢？歌手陳詩欣（Eunice）醒你慳招一變二，節省一杯飲品的價錢！
外形纖瘦的Eunice一直喜歡飲凍檸茶，無論去茶餐廳還是其他地方食飯，例必叫這款飲品。自認慳妹的她堅守慳得一蚊得一蚊的原則，與大家分享這個一杯凍檸茶變兩杯的方法，笑言是媽媽「發明」：「有次我哋去茶餐廳，我叫完杯凍檸茶，我問媽咪點解唔叫嘢飲，佢就話：『茶餐廳會有茶o架嘛，到時你畀粒冰同檸檬我，篤兩篤咪一樣。』」自此她每次與朋友外出食飯，都用這方法：「佢哋唔介意畀粒冰同檸檬我，咁就可以變成第二杯凍檸茶，慳番啲錢。」現時去茶餐廳飲凍飲閒閒地都要十幾蚊，就算跟餐轉凍飲都要加錢，這個方法可以幫大家慳錢又過到口癮！
