張敬軒享齊人福攬3女
歌手張敬軒昨日於上水廣場舉行「上水廣場X張敬軒《Senses Inherited》簽唱會」，吸引數百名市民圍觀，有來自廣州及澳門的歌迷到場支持。有「皇上」之稱的軒仔今次更享齊人之福，獲3名女粉絲投懷送抱，難怪他準備要苦操胸肌。
大會安排歌迷上台與軒仔玩估歌名遊戲，軒仔見到遊戲用的道具是黑色膚色的BB公仔，忍不住笑問：「你哋特登搵o架？即係要我視如己出？」引得笑聲四起。而贏出遊戲的3位女Fans獲軒仔「10秒抱抱」作獎勵，他對此安排搞笑高呼：「你哋有冇問過當事人，我啲簽唱會真係愈嚟愈難做！」不過，他最終亦「1擁3」，享受抱抱之福，還笑說：「我見到台下啲男士露出羨慕眼光喎！」
唱《潛水》過關
而他獻唱前，有歌迷點唱《潛水》，他笑說：「要解釋吓點解佢哋咁想我唱，係因為我每次唱呢首歌都出錯，話過以後唔唱……好，怕你哋呀！唱就唱！」最終未有甩轆順利過關。因現場氣氛High爆，軒仔即興Encore，唱了《裝睡的情人》，令歌迷興奮尖叫。他受訪時表示，唱片推出半年至今才有時間開簽唱會報答歌迷，至於新碟獲7星期銷量冠軍成績，正向金唱片數字邁進，他直言現今賣實體碟不易，但會堅持繼續做，要做好音樂回報大家。
操肌為開騷除衫
至於在台上透露將於11月在紅館舉行與香港中樂團合作的演唱會，軒仔稱會嚴陣以待，因導演要求他除衫：「仲以為同樂團啲服飾係『高胸低衩』，竟然要除衫？佢話有場係打大鼓嘅場面，要騷胸肌。（有信心？）都有，但依家未操到有肌。小時候有學京劇，到時都會搬上舞台。（《霸王別姬》？）唔係，咁京劇都有好多，《三娘教子》都得o架！但我做子囉！」另外，有見簽名會有來自各地的歌迷到場支持，他透露今年會組一個正式的官方國際歌迷會，並有意請專人管理，有系統一點。