陳瀅晒法語撩仔

藝人陳瀅前日應邀出席巴黎時裝周，此行寓工作於娛樂，欣賞時裝騷之餘更四出「覓食」：「估唔到當地造型師好嚴謹，睇騷都要幫我扮到好靚，由頭髮到衣飾都一絲不苟。（睇騷）坐喺隔籬嘅唔係名人就係Blogger，互相交換社交網站作日後聯絡，又會約騷後食飯，多咗好多朋友。」於加拿大成長的她，曾修讀法語，想不到今次大派用場：「有日見到個靚仔，膽粗粗上前同佢用法語傾偈，點知講咗幾句就詞窮。」