湯怡床戰陳家樂嗌攰！
在英皇電影《廉政風雲 煙幕》中飾演廉署調查員的湯怡（Kathy），雖然與上司劉青雲的「交流」有很多內心交戰戲，但不及於另一英皇電影《死因無可疑》中，與《廉》片拍檔兼緋聞男友陳家樂埋身拍幾個鐘的床戲，二人又錫又摸，坦言拍到好攰！問可擔心緋聞因此傳得更勁？Kathy表示不會：「如果係嘅，唔使十幾年後先傳啦！佢有咁多緋聞女友，我只係其中一個。」對於拍戲的終極底線，她坦言接受全裸，並情傾與大師兄謝霆鋒交手：「我係聽霆鋒啲歌大，雖然同公司，但未合作過，覺得佢好型、好Man！」
又摸又錫 凌空再上床
另外，她大爆家樂相當貼心，拍攝激情戲前送上漱口水，她笑說：「佢經驗太豐富喇！不過拍得開心，可以同靚仔拍喎！」並說：「剪埋都有約兩分鐘嘅床戲，由地下開始，搞到凌空再上床，有摸有錫，有少少攰。（唔係男仔攰啲？）點解男仔會攰啲呢？女仔都攰。（你蝕底晒？）唔好咁講，可能蝕底嗰個係我……唔係，蝕底嗰個係佢，哈哈。」二人私下雖是好友，但首次拍親熱戲都有尷尬，不過Kathy自覺長大了要作新嘗試。問到是否與洪卓立分手回復單身，可以更放？她直認：「所以豁出去囉！」而她於《死》片中亦再與林嘉欣結片緣，其他演員還有黃秋生等。
