甄子丹狂操Body 開心Share

「宇宙最強」甄子丹身為保良局青少年服務大使，前晚與太太汪詩詩及一對子女出席保良局慈善餐舞會，他透露月底將在港開拍由陳木勝執導的警匪片，直認十分期待：「係刻意造就喺香港拍，咁可以多啲時間陪屋企人。部戲有好多打鬥場面，有啲似《殺破狼》打法，所以最近不斷操弗，希望操到好似幾年前拍《3X反恐暴族》時咁，嗰時好勤力操，唔想身材輸蝕畀外國演員。（依家夠唔夠弗？）要問吓老婆，睇佢覺唔覺得我惹火，夠唔夠Sexy？」