阿Sa終極目標攞影后

阿Sa對攞影后信心十足，唔扮謙虛因為唔想太假。

蔡卓妍（阿Sa）、惠英紅、黃秋生、內地演員曾美慧孜和余香凝等前晚出席香港電影工作者總會春茗。有份角逐金像獎影后的阿Sa，仍未準備戰衣，笑言冇頭緒甚至「有啲呢Hea」，問可會搵人設計，她說：「好多人好膚淺，淨係會睇牌子同行頭，所以我冇辦法唔隨波逐流。（叫老闆楊受成畀珠寶你戴？）老闆娘次次都好幫忙，喺保險箱畀我揀珠寶。（有冇信心？）我話冇又好假，我話有又好似好唔謙虛，OK啦！（有冇睇其他候選人嘅戲？）睇咗啲，覺得入圍已經好好。（曲線讚自己？）我都OKo架！（恨攞？）話唔恨係呃你，係一個演員嘅終極目標。」

吳鎮宇指秋生攞獎格

曾美慧孜亦獲提名影后，她亦表示很有信心，問到阿Sa是否最大對手？她說：「我很喜歡她的歌曲《下一站天后》，是我會唱完整的粵語歌。」而吳鎮宇則率領《逆流大叔》演員班底余香凝、胡定欣和胡子彤等出席春茗，此片有5位演員獲提名，鎮宇更是候選影帝，被問到信心，他笑說：「有啲嘢以退為進！」有指是他與黃秋生之爭，鎮宇笑言：「一定係秋生啦，冇睇佢套戲，但聞到陣除都已經好勁，佢用個頭嚟演，頭部以下唔郁得，呢啲係攞獎格嚟o架嘛。（輸畀佢個頭？）係囉。」余香凝叫三飛包括最佳女主角、女配角及原創歌曲獎，她的心水影后是曾美慧孜，女配角則睇好惠英紅及周家怡。入圍最佳新演員的胡定欣則說：「收到消息嗰刻好開心，雖然喺電視台N年前都攞過新人獎，但呢種感覺係另一樣嘢，好開心。」

惠英紅自爆着黑色衫有Luck。	曾美慧孜（左起）、阿Sa及余香凝同樣獲提名影后，睇吓鹿死誰手！	吳鎮宇、胡定欣都憑《逆流大叔》角逐金像獎。

• 黃秋生對勝負抱平常心，旁為角逐影后的姬素。

「佢輸個頭 我輸隻舟」

至於角逐影帝的黃秋生說：「冇咩所謂，有就梗係好，沖喜吓，冇就冇計。（同鎮宇之爭？）是但啦，邊個攞都咁開心。（佢話聞到你陣除都知你贏？）咁誇張？我鬆毛鬆翼啦！（有睇佢部戲？）我冇睇都知佢贏啦，睇佢啲硬照就知佢勁。（咁你咪輸畀佢隻『舟』？）咁佢輸畀我個頭，我就輸畀佢隻『舟』！」