真人騷女星Khloe Kardashian的好友Jordyn Woods日前被爆於派對偷食對方的NBA球星男友「孖T」卓斯坦湯臣（Tristan Thompson），導致二人分手！Jordyn近日上世叔伯兼著名影星韋史密夫（Will Smith）老婆珍達娉琦（Jada Pinkett）的節目，爆喊澄清自己非「小三」，明言與孖T未如傳聞般於派對互摸及跳膝上舞，當晚亦沒有發生關係，但直認翌晨離場時，孖T突然嘴對嘴錫她：「我唔認為佢錯……人飲咗酒就做好多傻事！」
Jordyn表示事後與Khloe傾偈時未有講及與孖T的「互動」，自稱是一心想保護對方：「我唔係破壞人哋家庭嘅小三！」節目一出，大批網民圍插Jordyn，而Khloe亦於社交網留言鬧她講大話：「就係你破壞我成頭家！」