菊梓喬全裸都唔性感

歌手菊梓喬(Hana)昨日到九龍城出席活動,染了黑髮的她造型變化不大,問到會否接受更大突破?她說:「驚一跳會跳好大,慢慢嚟,逐啲逐啲剪。我由細到大都係男仔頭,出嚟做嘢後冇時間剪髮先留長,我短髮時試過畀人認錯係男仔,問我入女廁咩事!冇辦法啦,當時我又唔化妝,又着運動衫,打扮比較中性。」

提到做歌手前的「Model私影照」流出,她解釋是幫朋友拍攝的婚紗相,謙稱沒資格做Model。問是否有更性感的舊照未流出?她笑說:「性感呢兩個字同我唔會掛鈎,就算我露晒,你都唔會覺得我性感。」