李珊珊分享抗病經歷:努力好好生存

港姐冠軍李珊珊近年屢傳受腦瘤困擾,經常進出醫院,鮮有幕前露面的她昨晚久休現身慈善音樂會,提到這幾年努力對抗病魔,表現積極,毋須別人同情和憐憫,直言會努力生存下去!

現年41歲的李珊珊因病神隱逾7年,一直只在網上發文,未有露面,昨晚獲東華三院主席王賢誌邀請出席「東華三院 誌友共聚 慈善音樂會」,現真身並首次分享患病經歷。身穿大斗篷及樽領襯衫的珊珊,由頭包到腳,但仍明顯見到臉部浮腫,加上緊張關係,說話期間不斷喘氣。

如在戰場冇咗半條命

她透露講詞已度了很多晚,分享了她在公立和私立醫院的經歷,惟8分鐘講詞未有提及患何病,她說:「有次喺屋企發病,打999由白車送到公立醫院,好深感受,因為見到有病人狂嘔,又見到有病人家屬同醫生鬧交,我當刻冇咗半條命,好似去咗戰地咁;有次我又發病,唔想去戰地,改去私立,點知冇床位,同我打針安排我坐輪椅休息。」

珊珊認為人若活到120歲,一定會生病,有感而發地說:「呢幾年作為病人,感受到一定要靠自己,唔使人同情和憐憫,條路一定崎嶇,冇人可以幫,不過有親人朋友長輩陪,可以幫到百分之五十,因為精神上痛苦比內心更痛苦。有啲病係解決唔到,希望可以善用時間,唔好埋怨,要堅強堅持,用最後努力好好生存。」說罷即獲全場掌聲。活動後大會安排專車送她返回香港仔家,落車時她有問有答,笑言:「今日先攞番健康,依家未係最好狀態。」並表示要繼續覆診。

王賢誌支持復出

王賢誌提到早在歡樂滿東華時曾想邀請珊珊行Catwalk,但當時她未準備好,反而今次想出席並主動聯絡他:「佢以過來人身份講感受,今次活動為癌症基金籌款,其實佢冇講過自己乜嘢病,亦唔係Cancer。」又說會支持她復出。表演嘉賓之一的歌手張敬軒透露早前生日獨自去以色列旅行,在當地遇上「黑的」,車上有三名疑似阿蓋德打扮的人,令他提心吊膽,笑言一路祈禱,覺得主會照顧他,後遇上香港旅客反而安心,其生日願望是身體健康。