周慧敏自資出碟呻貴唔敢諗回本

周慧敏昨日以低胸裝現身攝影展支持好友：「自己畫開畫，其實同影相都有關，最近睇到畫展重拾畫畫興趣，但未有意開畫展，因為要儲夠一定數目先開到。」有指她比之前消瘦，她笑說：「唔係！其實比之前演唱會肥番少少，嚟緊都要預備巡唱，4月會喺汕頭，一直到8月，暫時有5場，好多朋友叫我去佢哋嘅地方，我都希望可以去，但有啲場地都要等批。」她又透露自資推出演唱會專輯，但大呻好貴：「7位數字。（有冇諗住回本？）唔敢諗啦！下次都唔敢再出演唱會嘅碟，除非搵人幫我出，今次係實現到夢想，因為係記錄入行30年。」