鍾情中國男士崔碧珈拒食「法國菜」

藝人崔碧珈昨日到電台受訪時表示,剛在法國拍完戲回來,當中要講法文和英文,但她不懂法文,故惡補了大半年。問可有識到法國型男?她說:「我麻麻哋外國人,鍾意中國人多啲,覺得佢哋眼大同鼻高好奇怪。(咁有冇啱嘅中國人?)暫時未有,難啲,因為我高大。」她又透露下星期會到東南亞為監製的台灣電影睇景,問是否升呢老闆?她笑說:「打工啫!」

談到以「生酮飲食法」瘦了15磅,她說:「係呀!唔使做運動就可以燃燒脂肪、豐胸同現腹肌,我以前操得好勁,依家同之前嘅成果差唔多。」生酮飲食是只進食高脂食物,減少糖分吸收後,身體就會燃燒糖分,連肝糖也所餘無幾時,就會開始燃燒脂肪及氨基酸,其後產生酮體,達致減肥效果。