湯盈盈開口𢱑禮物怨老公唔識Do

呂慧儀與張景淳玩遊戲論論盡盡，搞到不停笑。

藝人湯盈盈、「長腳蟹」呂慧儀、劉丹與滕麗名等昨日現身《愛·回家之開心速遞》元宵活動，現場見盈盈發福不少，但她否認懷孕：「因為新年食得多，又少時間做運動，豬年願望減十幾二十磅。（添丁？）唔想，我同老公商量過，有兩個小朋友已經夠，好滿意。」至於已有一子的長腳蟹同樣無意再生，她說：「一個就夠，因為男仔好多Energy，湊佢好攰。我咁難先Keep番個身形，順其自然啦！」

拎道具扮放閃

提到情人節，兩人都表示要開工，其中盈盈的老公錢嘉樂身在緬甸拍戲，她說：「我一起身就收到老公好多短訊，但全部都係吩咐我做嘢，我忍唔住問佢，你知唔知今日係情人節？佢叫我自己買份禮物，由佢找數。我攞拍劇嘅道具花影咗張相咋！」長腳蟹則透露當日是兒子的4歲半生日：「我送咗個蛋糕，老公就送花畀我，大家互冧。」

劉丹爆楊冪未拜年

至於劉丹透露孫女小糯米𢭃了不少利是，而已跟楊冪離婚的兒子劉愷威近月也在港，可以一同過年問到小糯米有否向媽咪拜年？他說：「佢都唔識啦！（楊冪有冇打電話向你拜年？）仲未。（今年係咪冇同你哋聯絡？）呢樣唔好講啦！」

湯盈盈講起情人節勁冇癮。

滕麗名與袁文傑畀心心冧Fans。