吳業坤搞單身飯局冇人吼
歌手吳業坤昨日為新歌《和懷念講再見》宣傳，手執一大束玫瑰花的他，表示趁情人節送驚喜給「情人」：「送畀媽咪，原來情人節送花係幾高消費，呢紮都過千。」並自爆佳人有約，去睇騷！自言Dry足幾年的他有出Post約騷後單身飯局，但最後得一名女士報名，其餘都是男士：「個女仔仲有個囡，其實都係借啲意約出嚟聚吓，呢幾年都有招親嘅。（媽咪催你？）佢叫我唔好心急，希望我做嘢先唔好拍拖，可能呢啲都係傳統思想。」
講回新歌，坤坤表示有送舊迎新的意思，並藉此舉行了一個活動，招募Fans分享遺憾事，繼而由他陪伴完成。至於將在4月19日再次舉行紅館騷《吳業坤小句號演唱會2019》的他，指門票昨日正式開售，雖暫時未知銷情，但已孭落一身飛債。