BabyJohn諗起半夜餵奶嗌救命
憑《狂舞派》奪金像獎最佳新人獎的蔡瀚億（BabyJohn），除了拍電影，近年亦殺入電視圈，劇集更在熱播中。他透露是第二次拍劇，有更多發揮機會：「劇中除咗有親情、友情，仲會有啲淒涼，好多內心戲，拍完令我覺得今年要尋求更多突破。」他表示今年主力電影發展，問到最想挑戰哪類角色？他說：「最想拍真人真事嘅電影，因為真係有呢個人嘅存在，好有挑戰。」
結婚6年多的他經常被催生B，他曾揚言想生，卻未有好消息，令人聯想會否身體出現問題？他笑着說：「新年不停被人問，我都做咗身體檢查，好彩一切正常，唔使擔心。」雖恨生B，但見到朋友湊仔辛苦，一度令他卻步：「見啲朋友湊初生BB要每兩、三個鐘或半夜起身餵奶，呢下真係會叫救命，但當BB冧時，你又會順番，生唔生真係好難定，惟有順其自然。」