陳曉華恨脫單誠徵長情男

陳曉華希望搵到細水長流嘅愛情，咁就真係Bingo！

無綫昨日在將軍澳電視城舉行「無綫己亥年新春團拜嘉年華」，電視廣播有限公司主席陳國強博士、集團行政總裁李寶安等高層，與應屆香港小姐陳曉華、鄧卓殷、丁子田及過千員工齊齊賀歲。三位港姐玩Bingo遊戲時齊齊落空，她們表示向來沒有抽獎運，未能發新年財。

丁子田冇仔陪要去滾

講到新年，陳曉華透露家人去了旅行，自行在家炮製珍珠奶茶，單身的她又指情人節與朋友打邊爐，隨後便開始正式減肥，備戰華姐：「依家都有少少肉地，只是四肢唔肥。」

鄧卓殷透露拍拖六年的男友不在港，情人節相約一班朋友歎韓燒，待他回港再補祝。問到男友可有越洋送花？她笑說：「我哋冇送情人節禮物嘅習慣，情人節啲花好貴0架，唔好嘥錢。」單身的陳曉華則被問到是否恨拍拖？她笑說：「選完華姐先算啦！有時聽到鄧卓殷講嘅愛情故事，都希望可以搵個拍咁耐拖嘅對象，但係急唔嚟。」丁子田讚鄧卓殷的男友專一，自言都是單身，情人節會與家人打邊爐慶祝。

抽唔中又冇仔陪，難怪鄧卓殷（右）與丁子田嘴扁扁。	舞獅賀新歲，三位港姐爭住沾旺氣。	李寶安（左起）、陳國強與鄭善強（右）出席無綫新春團拜，與眾同樂。

此外，李寶安代表致新春賀詞，祝願劇集、綜藝節目收視節節上升，愈來愈多節目收視超過30點，新聞、時事、專題節目更快更準、事事關心，與內地合拍節目亦旺丁旺財。