張沛樂投訴林耀聲唔浪漫

藝人林耀聲與女友張沛樂（沙律）拍拖近3年，兩人日前應《香港開電視》節目邀請到旺角女人街，分別以50蚊買禮物，炮製情人節驚喜。阿聲笑指沙律大懵，決定購買USB手機充電線給她：「佢有個稱號叫『USB黑洞』，無論佢身上有幾多條充電線都會吸走晒！」沙律直指男友不懂製造浪漫，大爆收過最難忘的一份禮物：「係個音樂盒，一打開有隻大笨象，有咩意思呢？如果係情侶音樂盒仲可以接受，但又唔係喎！」阿聲解釋因當時忙於開工，匆匆忙忙下購買，最後被沙律取笑十分「有心思」。