憑「火雞姐」火爆形象上位的歌手丁可欣（Yanki），昨日自爆中學時曾聯群結黨欺凌同學及偷手機，被學校記過處分，對少時惡行深表後悔的她拍片認錯兼承諾會做個好人，在鏡頭前鞠躬道歉說：「喺度向所有以前中學畀我欺凌過、或者盜竊過財物嘅受害者，講聲對唔住，Sorry！過往做咗好多錯誤行為，傷害咗好多同學……希望大家原諒我。以前14、15歲時，的確冇顧人感受，好自私，我好後悔，已經努力改變，學做好嘅人。」

Yanki受訪時承認中學時做過惡霸蝦人，希望曾被欺凌的同學主動聯絡她。事實上一年前，她曾在網上自揭惡行兼認錯，當時有受害同學聯絡她，亦已將欠款歸還，至於其他未能聯絡上的受害同學，希望各人能主動聯絡，她願當面道歉。由於近月她被人在網上開甫直斥當年的不是，她說：「佢哋話我係賊同垃圾，我係唔開心，但又唔可以怪人。」