去年成家立室的DJ葉文輝與太太近日四出拜年，自爆竟有親戚誤以為老婆有喜：「佢話見我老婆行路就住就住，細細聲問我係咪有啲開心嘢，仲話係咪依家唔講得遲啲先講得，我諗係佢哋諗多咗！」實情是太太最近參加瑜伽班，玩到雙腳勁攰，肌肉痠痛下才行路拐拐吓，但坦言拜年時不少朋友都關心這問題：「有好消息會話畀大家聽，但暫時唔係！結得婚都唔會抗拒小朋友，順其自然，等個天畀禮物我哋。」
