黃美棋小器No.1 逼男友屈服
藝人黃美棋與有線主播鍾健威（Ray）拍拖三年極為甜蜜，打風都打唔甩。為迎接情人節，兩人身穿黃色情侶裝孖住整蛋糕，期間更情深互餵，實行「你一啖、我一啖」打情罵俏，旁若無人。他倆對自製蛋糕情有獨鍾，美棋去年曾親手為Ray炮製生日蛋糕，就連拍拖去台灣旅行，烘焙店也是必去行程之一。
拒絕交換禮物
明日是情人節，不少情侶都絞盡腦汁準備禮物，但黃美棋與Ray講明不用互送禮物，至於如何度過？她將個波拋給男友，但Ray卻賣關子表示要保持神秘，肉麻兼骨痹說：「總之唔會虧待你啦！」
情侶之間總會有摩擦時候，美棋自爆一句KO男友，Ray即說：「佢有時會好小朋友，佢只要自認係全世界最小器嘅人就OK！即刻冇得拗！」她笑言萬試萬靈：「對方就會奈你唔何，冇辦法就會屈服！我經驗所得，必要時放軟姿態，多數都係佢氹番我，但大前提係唔可以得寸進尺。」
場地：MR. Bake