陳山聰冇啖好食見人就打!
陳山聰昨日在大埔為劇集《唐人街》與敖嘉年拍攝對打戲。奉命騷肌的山聰為了六塊腹肌及靚Body，不惜自備飯盒開工，餐餐靠雞胸肉和糙米飯「醫肚」，冇啖好食！
無綫劇集《唐人街》演員陳山聰、姚子羚、敖嘉年、陳國峰昨日在大埔拍攝外景，劇情講述敖嘉年試探山聰，兩人隨即拳來腳往出手過招。拍攝動作戲時間長，特別消耗體力，只見山聰未幾已經上身濕透。
敖嘉年：個個都躁爆！
問到拍動作戲是否特別辛苦？山聰笑言：「呢套劇零文戲，全部都係打，但係拍得Jazz（監製文偉鴻）同郭師傅呢個組合嘅戲都預咗嘞！雖然我拍到濕晒，好在天氣唔算熱，同埋同呢兩個對手對打好舒服，若果對住姚子羚、王君馨呢啲『高手』就要小心。」敖嘉年亦笑說：「劇裏面個個都好似好躁，一見面就郁手郁腳。」
劇中山聰還要騷肌，為了保持弗爆Body要戒口：「呢套劇個個都要除衫，我、伍允龍、陳展鵬、陳國峰都要除，監製只係同我講咗句『要除衫』，我就冇啖好食咗幾個月，自己帶飯，餐餐食雞胸肉、糙米飯，依家已經有六舊腹肌。」而一向有操肌的陳國峰，已做好準備隨時晒靚Body。
兵器高手要忍口
而身穿泰國服飾開工的姚子羚稍露香肩及小蠻腰，相當養眼，劇中她是使用兵器峨嵋刺的高手，笑言：「上次拍《同盟》最難係着住高踭鞋打，今次除咗高踭鞋，服飾仲有少少性感，要露腰、露手臂，除咗要適應，都要忍口食少啲。」剛拍完另一套新劇《黃金有罪》的她，指沒有太多時間做準備，只可以邊拍邊練，她反而最想去做Gym。