陳家樂博出位喺青雲背後搞「小動作」
陳家樂在《廉政風雲 煙幕》中飾演劉青雲下屬，在一幕自由發揮的電梯群戲中，被導演笑指如拍笑片般，而戲中有不少動作戲他都親身上陣，望導演之後開續集給他「連戲」的機會。
由影星劉青雲、張家輝、林嘉欣、陳家樂等擔綱演出的英皇電影《廉政風雲 煙幕》票房成績節節上升，截至昨晚10時為止，累積票房高達22,879,749元，而今日一眾主角及演員青雲、嘉欣、湯怡、吳浩康、何遠東及導演麥兆輝為答謝觀眾支持，將連走多場進行謝票，包括Cine Moko旺角、又一城、奧海城、朗豪坊及中環娛樂行，嘉欣更一口氣連跑五間戲院，實行以行動答謝影迷。雖然家輝有事在身未能出席活動，但精神上依然支持大家。
陳家樂在戲中有幸扮演影帝青雲下屬，兼且對手戲不少，令他大感榮幸。談到首次接拍賀歲片，他說：「其中一場戲講我哋幾個廉政調查員去拉人，導演麥兆輝安排我哋喺升降機內企喺青雲身後，講明鏡頭個個都見到，但又冇講明要我哋點演，希望我哋感受吓氣氛自己決定點做。可能大家都有啲壓力，個個都想做好啲突出自己，於是有人扮玩手機、有人扮托眼鏡，亦有人呼吸好急速，青雲忍唔住擰轉頭問我哋究竟喺度搞乜，導演就問我哋點解搞到好似拍笑片一樣！」
想「連戲」拍續集
台前幕後完成該場戲份後，即由輕鬆轉到嚴肅兼緊張的氣氛，家樂說：「因為緊接就拍爆炸戲，大家都親身上陣，知道一爆就會爆好多嘢出嚟，當然亦有一定嘅危險性，所以大家好認真去試位，好彩最終順利完成。希望今次嘅表現令導演滿意，遲啲開第二、三集嘅時候都會記得我哋成班人，可以畀我哋繼續『連戲』，有得再同幾位影帝、影后交手。」