Aka「糕」興過肥年 自創10分鐘燒脂

組合Super Girls隊長Aka最喜歡食賀年糕點，保持苗條身段的她，教大家10分鐘燒脂，她說：「除咗掌上壓、深蹲同側平板撐外，其實每日跑5至10分鐘，或者焗桑拿出汗排毒都可以瘦。對我最快見效係一日做兩次Sit-up，每次30下，肚腩仔就消失。」
勤做運動的Aka，輕易做出側平板撐。
勤做運動的Aka，輕易做出側平板撐。

Aka認為「肉包骨」最美，又公開擇偶條件說：「想練多啲肌肉，畀男仔見到我有肉地！我以前鍾意肥肥哋嘅男仔，依家覺得有少少肌肉好Charm，唔需要好大隻。」單身一段日子的她，被問新年可有求姻緣？她坦言分身不暇，加上最近推出單飛新歌《你在聽嗎？》，更加要好好把握時機：「組合好難有機會出Solo歌，等咗呢個機會好多年，好感恩天時地利人和嘅機會。」

Aka做掌上壓練肌肉。
  • Aka做掌上壓練肌肉。