古天樂遺傳老竇撞聾
古天樂和毛舜筠昨日以上屆金像獎影帝和影后身份出席記者會。戴上英皇珠寶贊助總值逾150萬元鑽飾的毛舜筠，提到影帝和影后「心水」時說：「女仔表現好平均，男仔就有一個人演技係公認，黃秋生喺《淪落人》嘅演出令我睇到又喊又笑，真係冇得輸！（配角呢？）梗係揀同我同公司嘅惠英紅，好出色。」
古仔就形容入圍名單勢均力敵，投票時很傷腦筋。有指他捐2億元做善事為父母積福，他不欲多談：「慈善嘢唔回應嘞！當日我係帶父母去飲茶，難得我爸爸都肯去，平日佢好節儉，加上撞聾，戴耳機又有回音，好辛苦，所以佢講嘢好大聲，平日好少去酒樓，我覺得我都有啲遺傳。（咁你屋企咪好嘈？）係㗎！」