藝人黃德斌憑《逆流大叔》與同片的潘燦良、《淪落人》的李璨琛、《無雙》的廖啟智及《翠絲》的袁富華角逐「最佳男配角」。首次提名的德斌坦言百感交集：「拍嗰時冇諗過提名，有提名已經當攞獎，對手都係好戲之人。」已在台灣金馬獎奪得「男配角」獎的袁富華正在外地放假，坦言要冷靜一下：「都係嗰句，不記果、只記恩，勿忘初心，因為我真係好喜歡做演員。」
至於曾三奪金像影后的惠英紅憑《翠絲》角逐「最佳女配角」，她說：「好開心，我都係啱啱先知，係最好嘅新年禮物。」憑《無雙》角逐女配角的周家怡亦興奮說：「我好開心呀！對手好強勁，入咗圍已經當贏咗！」
