莫家淦捱出頭再做老竇
藝人莫家淦（Keith）日前孖住3歲囝囝莫朗翹（Keanu）拜年利是，他笑言囝囝古靈精怪的性格為他「吸金」不少：「佢好識冧長輩，1歲就識請請，2歲嗰陣仲會一輪嘴咁講一大堆祝賀說話，不過今年佢就有啲不受控制，成日整古做怪。」Keanu更即席表演耍功夫及唱兒歌，相當可愛。
總結過去一年，除了生意捱出頭外，他表示很開心能再度榮升爸爸，迎接「豬B」：「今次冇上次咁緊張，因為係自己計劃之內，所以都有全盤準備去迎接佢。（係豬仔定豬女？）照咗超聲波9成機會係仔，自己初時都有啲想生女，因為聽人講女仔會冧老竇，但呢啲嘢控制唔到，同埋仔一樣都咁黐身，不過湊兩個仔就需要更多體力。（依家BB幾大？）差唔多6個月，預產期係6月，同阿仔一樣夏天出世。」問到新一年計劃？他透露正籌備推出新歌，並指會繼續拍劇，希望遇上有發揮的角色！
場地：Mini Hotel Central