黃子桐鍾意小男人

藝人何泳芍（Honey）、陳苑澄、黃子桐（Rachel）與杜愛恩同為2018年港姐競選佳麗，雖然三甲止步，但同樣簽約成為無綫藝人，趁住豬年新開始，四位靚女寫揮春應節，並分享過年習俗。陳苑澄笑說：「大家知唔知有隻年獸叫年，專係食大人？所以要用壓歲錢幫個歲數變細，年獸就唔會嚟食你，我屋企年三十晚就會放壓歲錢喺枕頭底。」Honey一家人則選擇外遊度歲：「我會同朋友去法國，父母去泰國，係Daddy媽咪話要自己去旅行。」